Mediat ruse raportojnë se një ish-zyrtar i burgjeve të Rusisë u dënua me 3 vjet burgim dhe pas kësaj ka kryer vetëvrasje. Viktor Sviridov ishte kryetari i departamentit të transportit motorik të shërbimit federal të burgut.
Sviridov u dënua për zhvatjen e 155 mijë dollarëve nga ish-drejtori i shërbimit. Pasi gjyqtari urdhëroi që të vendosej në paraburgim, Sviridov qëlloi veten në kokë. Po ashtu, mediat ruse thonë se ai ka futur armën vetë në ambientet e gjykatës.
Avokati theksoi se klienti priste që të mos shpallej fajtor e se “nuk dukej të kishte prirje për të vrarë veten. “Gjykata injoroi sëmundjen e rëndë,” tha ai. Për avokatin, vetëvrasja ka ardhur për shkak të vendimit të dhënë nga gjykata.