Avokati i Erion Alibej ka folur ditën e sotme jashtë dyerve të SPAK për akuzat ndaj klientit të tij. Ai deklaroi se SPAK nuk ka dhënë një përgjigje të saktë duke thënë se duhet të presin përfundimin e gjykimit.
Sipas avokatit, dëshmitari Euglen Halili i cili ka marrë statusin e bashkëpunëtorit të drejtësisë duke fajësuar Alibejn për disa ngjarje kriminale, është dhunuar në mënyrë që të trillojë kundër klientit të tij.
Ai u ndal te vrasja e trefishtë në vitin 2018 ku u ekzekutua vëllai, xhaxhai dhe një mik i familjes së Erion Alibejt duke theksuar se ngjarja ndodhi në sy të familjarëve të cilët sipas tij duhet të ishin marrë në mbrojtje nga autoritetet.
“SPAK nuk arriti të jepte një përgjigje të saktë duke thënë se duhet të shikojmë gjatë gjykimit si duhet të dalë.
Erion Alibej pas asaj ngjarje të shëmtuar në dhjetor të vitit 2018 ku është vrarë vëlla, xhaxhai dhe një mik i familjes. Këto krime janë kryer në sy të familjes dhe fëmijëve.
Nga ana e organeve kompetente duhet të ishin marrë masa që familjarët të merreshin në mbrojtje dhe autorët të dërgoheshin para drejtësisë. Janë munduar të fabrikojnë nga fillimi deri në fund provat. Euglen Halili është dhunuar për të trilluar”, deklaroi avokati.
