Deputeti demokratik Edi Paloka ka reaguar ndaj qëndrimit të shfaqur të kryeministrit Edi Rama përkundrejt opozitës.
Ai shkruan në rrjetin social “Facebook” se Rama po vazhdon me “propagandën bajate”.
Paloka shton se kjo nuk i shërben aspak Shqipërisë, përveçse i baltos figurën.
“Turp që Tahiri , Xhafa e së fundmi Balla, diskutohen në kancelaritë e BE-së si shembuj të qartë se si qeverisja e Edi Ramës është vënë në shërbim të krimit dhe jo të interesave të shqiptarëve për të ecur përpara me reformat drejt Evropës”, shkruan deputeti demokrat.
Postimi i plotë:
Rama vazhdon me propagandën bajate se “opozita po nxin dhe turpëron Shqipërinë”.
Eshtë vërtetë turp për Shqipërinë. Turp që Tahiri , Xhafa e së fundmi Balla , diskutohen në kancelaritë e BE si shembuj të qartë se si qeverisja e Edi Ramës është vënë në shërbim të krimit dhe jo të interesave të shqiptarëve për të ecur përpara me reformat drejt Evropës.
Turp që Rama nuk gjen dot një ministër rendi të pa lidhur me krimin. Turp që nuk dëshiron të gjejë një deputet i cili nuk është shërbëtor i krimit, për të përfaqësuar PS në BE.
Edvin Rama dhe qeverisja e tij janë faqja më e zezë e Shqipërisë post komuniste dhe opozita ka detyrimin t’i shpëtojë shqiptarët nga kjo e keqe.
