Paraditen e sotme deputetja e PD-së, Jorida Tabaku akuzoi qeverinë se po i shpronëson shqiptarët për herë të dytë.
Pas sulmeve të PD-së, ka reaguar edhe deputetja socialiste Elisa Spiropali, e cila duke i bërë një pyetje retorike Tabakut shkruan se ishte Berisha që kishte si slogan Shqipëria 1€ . “Le t’i kërkojë edhe një rast të vetëm deri sot kur qeveria shqiptare ka dhënë tokë shtetërore a private me 1€ në bregdet për nje individ me emër e mbiemër!”, shkruan Spiropali në Facebook.
Më tej Spiropali në përgjigje të Tabakut thekson se atë që u bëri pronarëve e pronave në këtë vend partia e saj, s’ia ka bërë e s’ia bënte dot asnjë pushtues i huaj.
Ndërsa duke i ndalur te përgjimi i Biankut, Spiropali shprehet se: Sa për këtë babalepërgjimin e radhës me Denar Bibën që paska shantazhuar kunatin e Genc Pollos, kryebiba e PD-së Lulzim Basha, bën mirë të kthehet edhe mendërisht e jo vetëm fizikisht nga pushimet e gjata se erdhi shtatori
REAGIMI I PLOTE I SPIROPALIT
Dikush duhet t’i kujtojë zonjës Tabaku se Shqipëria 1€ ishte slogan i liderit të saj! Le t’i kërkojë edhe një rast të vetëm deri sot kur qeveria shqiptare ka dhënë tokë shtetërore a private me 1€ në bregdet për nje individ me emër e mbiemër! Dhe nuk është mirë që zonja Tabaku të vajtojë për pronarët, se atë që u bëri pronarëve e pronave në këtë vend partia e saj, s’ia ka bërë e s’ia bënte dot asnjë pushtues i huaj. Sa për këtë babalepërgjimin e radhës me Denar Bibën që paska shantazhuar kunatin e Genc Pollos, kryebiba e PD-së Lulzim Basha, bën mirë të kthehet edhe mendërisht e jo vetëm fizikisht nga pushimet e gjata se erdhi shtatori