Sali Berisha e akuzoi Altin Dumanin se është bërë “një” me kryeministrin Edi Rama për atë që ai e quan krim elektoral. Për gazetarët, pasi doli nga SPAK, kreu i PD-së tha se ai është përgjegjësi numër dy pas Ramës për farsën elektorale duke pretenduar se edhe pse ka denoncuar krimet zgjedhore, nuk i ka marrë parasysh.
“Ai e ka bërë veten një me Edi Ramën në krimin elektoral. Tre vjet më parë kam denoncuar SKAP-in me forcën më të madhe për krimin elektoral, për mbrojtjen e dosjeve 184 dhe 339. Kjo ka qenë për mua shokuese sepse me këtë veprim firmosën licensën Edi Ramës që të bëjë ç’të dojë me zgjedhjet. Pas Ramës, përgjergjës numër dy për farsën elektorale konsideroj Altin Troplinin. Edhe para disa kohësh deklaroi në mënyrë mashtruese se s’kanë sjellë fakte e prova në një kohë kur kemi paraqitur me qindra fakte dhe prova.”, tha Berisha.
Padia e Berishës erdhi pasi Departamenti amerikan i Shtetit e shpalli non grata në maj 2021 dhe i ndaloi hyrjen në territorin amerikan atij dhe anëtarëve të familjes së tij të ngushtë, për shkak të përfshirjes së tij në korrupsion të gjerë.
