Autoriteti Kombëtar i Ushqimit njofton se ka kryer sot 431 inspektime në të gjithë vendin për cilësinë e produkteve ushqimore dhe janë bërë monitorime në kuadër të Task-Forcës kundër përhapjes së COVID-19.
Gjatë inspektimeve është konstatuar se janë plotësuar kushtet higjieno-sanitare për të ushtruar aktivitetin si dhe ka pasur dokumentacion për sigurinë ushqimore.
Nga inspektimet e sotme, janë asgjësuar 11 ton produkte ushqimore më kërkesë të vetë subjektit, si dhe janë marrë 16 mostra për monitorim të qumështit, për ngarkesën mikrobike dhe qelizave somatike.
AKU njofton se do të vijojë të jetë e pranishme në të gjithë vendin për të garantuar sigurinë ushqimore dhe shëndetin e konsumatorëve.
