Lajm i keq vjen nga Hollywood-i, pasi raportohet se aktori i njohur i ka dhënë fund jetës në moshën 34-vjeçare.
Lajmin e hidhur e dha menaxheri i aktorit të ndjerë Brad Bufanda, duke mos dhënë detaje.
“Ne jemi plotësisht të shkatërruar. Ai ishte një aktor i ri, jashtëzakonisht i talentuar dhe një njeri i mrekullueshëm, i kujdesshëm. Ai po ringjallte karrierën e tij dhe sapo kishte përfunduar dy filma. Ne jemi të tronditur dhe të trishtuar nga vdekja e tij”.
Bufanda fitoi famë kur ai sapo ishte duke u bërë një adoleshent, teksa ka luajtur në disa filma të njohur, ndër ta dhe rolin e Davidit në filmin e famshëm “Një histori hirusheje”.
