Anëtari i Vetëvendosje Haki Abazi reagon pas akuzave të ngritura nga Prokuroria Speciale kundër Presidentit të Kosovës Hashim Thaçit e kreut të PDK-së Kadri Veseli për krime lufte.
Abazi thotë se vrasjet e patriotëve shqiptarë dhe krimet kundër shqiptarëve janë ato që duhet të zbardhen, ndërsa lufta e UÇK për liri nuk mund të gjykohet.
Reagimi i plotë:
“UÇK janë luftëtarët, dëshmorët dhe veteranët që luftuan me nderë dhe nderuan emrin Shqiptar dhe flamurin shqiptar me Besë e me betim për lirinë e vendit kundër okupatorit Serb e nën udhëheqjen e komandantit Adem Jashari. UÇK kurrë nuk mund të vendoset në bankën e të akuzuarave sepse vullneti e guximi i kombit tonë për liri nuk mund të gjykohet e as të akuzohet. Lufta për liri është e drejtë e jona ashtu siç edhe e drejta për të qenë bashkë. Vrasjet e patrioteve shqiptar dhe krimet kundër shqiptarëve duhet të zbardhën ato nuk falen,” shkruan Abazi.
