Shërbimet policore të Sarandës në bashkëpunim edhe me policinë e kufirit kanë arrestuar në flagrancë tre persona, banues në zona të ndryshme të Konispolit.
Të arrestuarit janë identifikuar shtetasit me iniciale G. Sh. 21 vjeç, A. A 22 vjeç dhe A. S. 19 vjeç.
Arrestimi i këtyre u bë pasi mbrëmjen e 25 gushtit në afërsi të pikës së kalimit kufitar në Qafë Botë pas një kontrolli u gjet dhe u sekuestrua në cilësinë e provës materiale një sasi lënde narkotike prej 3 kg, e llojit marijuanë. Grupi hetimor vijon punën për të zbardhur destinacionin e lëndës narkotike. /BW
