Familja e Edmond Prekës, i njohur si Mond Gjergji, u shua fatalisht mbremë në aksidentin tragjik që ndodhi pas përplasjes së dy makinave në rrugën Shkodër- Velipojë. Ngjarja ka ndodhur pas orës 18.00 dhe përveç kryefamiljarit preka, ndërruan jetë njëri pas tjetrit edhe tre fëmijët e tij: Rajan, Ajsel dhe Neomi, nga disa muajsh e deri në 10 vjeç.
E mbijetuara e vetme e tragjedisë fatale, mbeti vetë Evis Preka, nëna e fëmijëve dhe bashkëshortja e Edmondit, Ajo ndodhet në Spitalin Rajonal të Shkodrës ku mjeket po bejne te pamunderen, qe mos e çojnë drejt shuarjes përfundimtare këtë familje.
Makina me të cilën po udhëtonte kjo familje nga Velipoja,e tipit Alfa Romeo, u pëplas me nje fuoristradë “Hyundai” ku po udhëtonin Sokol Mëhilli dhe Andrea Gjergi. Të dy keta ndodhen gjithashtu ne spital per tu mjekuar, pasi jane plagosur, por ndodhen jashte rrezikut per jeten.
DINAMIKA POST AKSIDENTIT TE MBREMSHEM
Mjeket e spitalit te Shkodres i thane sot Alpenews.al se:
Në 18:50 mërriti i vdekur në spital Edmond Preka.
Në 19:10 mbërriti gjithashtu po i vdekur djali i tij 9 muajsh, Rajani.
Me dëmtime të rënda që nuk mundi me rezistuar ishte vajza Ajseli dhe sapo erdhi rreth 19.25 ndërroi jetë.
Rreth orës 23.08 ndërroi jetë fëmija i tretë i familjes Preka, Neomi, 10 vjeçe.
Në gjendje të rëndë është Evis Preka, nëna e fëmijëve të vdekur dhe bashkëshortit Edmond Preka që u shua i pari.
Të plagosur janë edhe Sokol Mëhilli dhe Andrea Gjergji në gjendje relativisht mirë.
Kjo është një nga tragjeditë më të rënda që ka kaluar Urgjenca e Shkodrës. Tani janë sistemuar në reanimacion.
Gjendja e tyre nuk lejon transportimin në Tiranë, më pas duke parë do veprojmë”,- thanë mjekët.
BILANCI I TRAGJEDISE
Të vdekur
1.- Edmond Preka (Mond Gjergji)
2.- Neomi Preka, 10 vjeçe.
3.- Rajan Preka, 8 muajsh.
4.- Ajsel Preka, 5 vjeçe.
Të plagosur
1.- Evisa Preka (Gjergji), 36 vjeç
2.- Sokol Mëhilli
3.- Andrea Gjergji
Tragjedia që përfshiu familjen Preka, është ndoshta nga më të rëndat e viteve të fundit për ndonjë familje shqiptare të shuar në aksidentet automobilistike në Shqipëri.
Më të dhimbshme, atë e bën fakti se u shuan fëmijë nga disa muajsh, deri në 10 vjeç.
Sot në Velipojë pritet të zhvillohet ceremonia mortore pë katër pjestarët e kësaj familje.
Përgatit: Alpenews.al
