Pas aksidentit të rëndë ditën e djeshme, më një shtetase të mitur të vdekur (e moshës 7 vjeç) si dhe më një këmbësor tjetër (i cili humbi jetën nga përplasja e biçikletës së tij me automjetin) ka reaguar nëna e të miturës që humbi jetën.
Ajo ka thënë se do të marrë pjesë në varrimin e vajzës së saj, pasi ka dalë nga ambjentet e spitalit dhe është në gjendje më të mirë shëndetësore. Ndërsa bëhet me dije nga mjekët se vajza tjetër, motra e 7 vjeçares është ende e shtruar në spital.
N G J A R J A
Një aksident i rëndë ka ndodhur mëngjesin e sotëm në Kodër Kamëz ku një makinë e drejtuar nga një grua 38-vjeçare e identifikuar si Rozina Koleci ka humbur kontrollin për shkak të shpejtësisë dhe për pasojë ka përplasur një biçikletë dhe më pas tre këmbësorë, nënën me dy vajzat e saj.
Si pasojë e përplasjes së fortë ka ndërruar jetë njëra nga vajzat, një 7-vjeçare dhe çiklisti i identifikuar si Ramazan Isha, 29 vjeç. Në gjendje të rëndë në spital ndodhet nëna e dy vajzave Valbnona
Ndreu, 29 vjeçe dhe vajza tjetër 6-vjeçare, e cila po i nështrohet një operacioni.
Ndërkohë policia ka ndaluar shoferen e mjetit, e cila u përplas edhe me një tjetër mjet.
Njoftimi i policisë:
Informacion Paraprak
Më datë 08.08.2018, rreth orës 08:40, në rrugën e Kamzës, tek shinat e trenit, shtetasja R. K., ka humbur kontrollin e drejtimit të mjetit me targë AA071UA, duke u përplasur me një biçiklistë dhe më pas me këmbësorë.
Si pasojë e përplasjes ka ndëruar jetë shtetasja E. N., 7 vjeçe dhe janë dërguar në spital për ndihmë mjekësore shtetaset V. N., 29 vjeçe dhe E. N., 6 vjeçe, ku kjo e fundit ndodhet në gjëndje të rëndë shëndetësore.
Mjeti dhe drejtuesja ndodhen në vendngjarje, po kryhen veprimet e mëtejshme hetimore.
