Detje të reja janë bërë publike mbrëmjen e sotme për mediat pas aksidentit të rëndë të ndodhur në Itali.
Bëhet me dije se mes 4 viktimave është dhe një mjek shqiptar.
Sipas media të huaja shqiptari Sokol Hoxha 40-vjeç me profesion mjek është një prej katër viktimave.
Kujtojmë se aksidenti tragjik ka ndodhur sot në Itali ku një ambulancë është përplasur me një autobus në një tunel.
Përplasje kokë më kokë mes autobusit dhe ambulancës ka ndodhur rreth orës 16:00 në rrugën që lidh Urbinon me Fermignano, brenda tunelit Ca’ Gulino.
Tymi i zi dhe flakët kanë përfshirë tunelin ndërsa mediet italiane raportojnë se viktimat janë stafi mjekësor, mjeku shqiptar, infermierja, shoferi i ambulancës dhe pacientja e ambulancës që ishte nisur për në Urbino.
Ndërkaq të plagosur mbetën 7 persona, mes tyre 4 fëmijë të moshave 7 deri në 13 vjeç. Një prej tyre shoferi i autobusit që po transportonte fëmijët në një udhëtim mbeti i plagosur lehtë por është në gjendje shoku.
