Publikohen pamjet pas aksidentit të rëndë të ndodhur pas mesnatës në aksin rrugor Lezhë-Shkodër.
Ngjarja ndodhi pranë fshatit Dajç, ku mjeti tip ‘Benz’ me targa AA 929 FF ku udhëtonin dy të rinjtë që humbën jetën është përplasur me një mjet tip “IFA” me targa LE 3364 A. Përplasja ka qenë e fortë dhe për pasojë mjeti tip “Benz” është dëmtuar plotësisht siç tregojnë edhe këto pamje në video, ndërsa për nxjerjen e trupave të viktimave u kërkua ndërhyrja e forcave zjarrfikese.
PAMJET VIDEO
Mjeti tip “Benz” drejtohej Gentian Toma, 32 vjeç, ndërsa 25 vjeçari Robert Ejlli udhëtonte si pasagjer në këtë mjet. Ndërsa mjetin tjetër tip kamion sipas policisë e drejtonte një 19 vjeçar,.
Paraprakisht dyshohet se mjeti ku ndodheshin të rinjtë udhëtonte me shpejtësi tej normave të lejuara në një rrugë ku natën mungon fushëpamje, por do të jetë ekspertiza që do të thotë fjalën e fundit për shkaqet e aksidentit të rëndë.
