Një tjetër aksident ndodhi mbrëmjen e djeshme në Shkodër.
Mësohet se ngjarja e rëndë ka ndodhur në aksin rrugor Shkodër-Hani i Hotit.
Aty ku një makinë ka përplasur një çift bashkëshortësh dhe si pasojë burri ka humbur jetën, ndërsa gruaja është plagosur.
Besnik Beci ka humbur jetën dhe gruaja e tij Alleta Beci është plagosur.
Burimet e para bëjnë me dije se çifti ishte duke ecur në këmbë kur u godit nga mjeti që lëvizte me shpejtësi.
Mendohet se shkak i aksidentit u bë shpejtësia e lartë pasi drejtuesi i fuoristradë ishte jashtë normave të lejuara të shpejtësisë.
NGJARJA/
“Me datë 10.06.2018 në orën 22.20 në aksin rrugor Shkodër-Koplik, në vendin quajtur kthesa Insitutit të Misrit, ka ndodhur një aksident me pasojë vdekjen.
Si pasojë e aksidentit ka mbetur i vdekur shtetas B. B. 53 vjeç dhe është dëmtuar rëndë bashkëshortja e tij shtetesja A. B. 44 vjeçe, të cilët po udhetonin në këmbë.
Shtetasi Gj. T. 49 vjeç, me mjetit tip Benz me targë AA771SE, ka perplasur dy shtetasit e lartëpërmendur, i cili më pas është larguar nga vendi aksidentit dhe është kapur nga sherbimet e policisë disa metra me tutje dhe po shoqërohet në ambientet e Komisariatit të Policisë Shkodër për veprime të mëtejshme”, njofton policia.
Në vendngjarje ndodhet grupi hetimor dhe shërbimet e policisë ku po kryejnë veprimet për sqarimin e rrethanave të aksidentit./Gazeta Express
