Halil Koka, personi që ishte me Ilda Parrojin në makinën që shkaktoi vdekjen e dy personave nga familja Fisku tek Mali i Robit, është detyruar të pohojë se ishte ai autori, shkaktari i aksidentit me vdekje dhe jo 30-vjeçarja. Pohimi ka çuar në arrestimin e tij nga Policia e Kavajës, siç njoftohet zyrtarisht.
Halil Koka e ka detyruar Ilda Parrojin ta merrte përsipër fajin pasi ai ishte pa patentë, por ka qënë 30-vjeçarja, që pasi mashtroi Policinë, kazbuluar se ishte Koka ai që e detyroi ta bënte. “Merre përsipër fajin, – më tha, – se do të nxjerr unë nga burgu”, citohet të ketë deklaruar 30-vjeçarja në policinë.
Ilda Parroji do të akuzohet për dëshmi të rreme.
INFORMACIONI I POLICISE SE TIRANES
Në vijim të informacionit paraprak.
Ne vijim të punës hetimore, Specialistët e Hetimit të Krimit në Komisariatin e Policisë Kavajë në bashkëpunim me Prokurorine kanë arrestuar në flagrancë drejtuesin e mjetit tip “Toyota” shtetasin Halil Koka, 40 vjeç, banues në Durrës.
Pas disa veprimeve hetimore, shërbimet e Policisë kanë dokumentuar se ishte ky shtetas drejtuesi i mjetit që shkaktoi aksidentin rreth orës 07:40 tek Mali i Robit, ndërsa shtetasja I.P., rezultoi se ishte pasagjere në këtë mjet, megjithese në deponimet e para në vendngjarje deklaroi se e drejtonte ajo mjetin kur ndodhi aksidenti.
Materialiet do t’i kalojnë Prokurorisë pranë Rrethit Gjyqësor Kavajë për veprime të mëtejshme.
