Një aksident rrugor ka ndodhur në aksin Berat-Poshnje dhe për pasojë ka mbetur i plagosur një 70-vjeçar. Nga të dhënat e para mësohet se i moshuari, Thimi Ndrio, është përplasur nga një motor, të cilin po e drejtonte shtetasi 25 vjeç, Armando Muçolli.
Sipas policisë, drejtuesi i motorit dhe i moshuari janë dërguar menjëherë në spital dhe po marrin ndihmën mjekësore. Grupi hetimor ka shkuar menjëherë në vendngjarje dhe po punon për rrethanat e aksidentit.
Njoftimi i Policisë:
Në datën 17.09.2018, rreth orës 09:20 në aksin rrugor Berat-Poshnje, në vendin e quajtur Orizaj shtetasi A.M, 25 vjeç, banues në Otllak duke drejtuar motorin tip Yamaha ka aksidentuar shtetasin këmbësor Th.D rreth 70 vjeç, banues në Berat.
