Ishin nisur për të festuar 1 majin, siç bëhet tradicionalisht në Shqipëri por në fakt gjetën vdekjen. Aksidenti tragjik iu mori jetën tre të rinjve, Jul Margjini, 22 vjeç, Simon Kaza, 20 vjeç dhe Bert Markut, 17 vjeç.
Jul Margjini ishte banues në Tiranë dhe kishte ardhur në Kurbin për të marrë dy shokët e tij Simonin dhe Bertin për të shkuar për të festuar 1 majin.
Gjatë rrugës, ai ka dashur të shmangë një gropë por nuk ka mundur të mbajë kontrollin e mjetit, duke rënë nga ura e më pas në kanal. Tre të rinjtë gjetën vdekjen e menjëhershme.
Aksidenti ndodhi sot orës 14:30 në aksin Adriatik, ku mjeti “Lancia” ra nga ura në një kanal.
