Një aksident me pasojë vdekjen ka ndodhur në orët e para të mëngjesit.Ngjarja ka ndodhur në aksin rrugor Levan – Tepelenë.
Si pasojë e aksidentit tre persona jane gjetur te mbytur ne kanal, dy meshkuj dhe nje femer, te cilet po ktheheshin nga nje dasme.
Fisnik Murataj, 32 vjeç, ishte shoferi i cili ka mbetur i vdekur, Agustin Murataj, 30 vjeç, viktima e dyte e identifikuar, i cili eshte i aferm i Murataj, dhe viktima e trete eshte Nazia Aham, 34 vjeç, e fejuara e Fisnik Murajtaj, shtetase franceze.
Dyshohet se mjeti ishte i Nazias, e cila jetonte ne Greqi. Sipas raportimeve te para thuhet se ata po ktheheshin nga nje dasme, ndërsa gjate udhëtimit, makina ka humbur kontrollin duke rene ne kanal. Tragjikja eshte se viktimat po ktheheshin nga dasma e vëllait të Fisnik Muratajt.
Informacioni i policise
Fier
Informacion paraprak
Në datën 09.04.2018, rreth orës 08:10, në aksin rrugor Levan-Tepelenë, në fshatin Varibop, në kanalin me ujë në anë të rrugës është gjetur i rrëzuar një mjet tip “Suzuki” me targa IHZ 1755.
Për pasojë janë mbytur shtetasit F.M, 32 vjeç; A.M, 30 vjeç si dhe shtetasja N.A, 34 vjeçe.
Paraprakisht dyshohet se mjeti ka dalë jashtë rruge gjatë natës.
Grupi hetimor po punon për zbardhjen e plotë të ngjarjes.
