Nuk po ktheheshin nga morti, por po shkonin të bënin gati xhenazenë pas vdekjes së burrit të njërës prej grave në spital. Dalin detaje të reja rreth aksidentit pikëllues që ndodhi sot me 4 gra që humbën jetën njeherësh në aksin Elbasan-Peqin.
Fatime Hoxha, Fatushe Agolli, Lumturi Hoxha dhe Jonida Kotorri bashkë me shoferin Gëzim Kotorri, udhëtonin nga Tirana drejt fshatit Shtëpanjë në Elbasan ku do të zhvillohej ceremonia mortore e bashkëshortit të një prej viktimave që humbi jetën sot. Bëhet fjalë për bashkëshortin e 58-vjeçares Fatime Hoxha që kishte ndërruar jetë në spital në kryeqytet.
Pas lajmit të hidhur të humbjes së bashkëshortit Fatime Hoxha 58 vjeçe u nis bashkë me Fatushe Agollin, Lumturi Hoxhën dhe Jonida Kotorri për në në shtëpi për të bërë gati xhenazenë për të organizuar ceremoninë e varrimit. Por ky ishte udhëtimi i fundit për të katër gratë. Fatimja do të varroset njëkohësisht me bashkëshortin e saj.
