Një person ka gjetur vdekjen dhe tetë të tjerë kanë mbetur të plagosur kur dy automjete janë përplasur midis tyre në qytetin e Rubikut.
Policia bën me dije se automjeti i një agjencie turistike është përplasur me një automjet tip “Alfa Romeo” me drejtues shtetasin L.C. Për pasojë, ka ndërruar jetë drejtuesi i mjetit të dytë.
Mendohet se shkak për aksidentin është bërë parakalimi i gabuar i autobusit, i cili transportonte turistë nga Tirana në Brezovicë.
Njoftimi i policisë lokale:
Në qytet Rubik, Mirditë, janë përplasur automjeti i një agjencie turistike me drejtues K.M.,me automjetin tip “Alfa Romeo” me drejtues shtetasin L.C.
Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë dëmtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor.
Grupi hetimor në vendngjarje punon për sqarimin e rrethanave të ngjarjes.
