Një aksident i trefishtë ka ndodhur sot në Tunelin e Llogarasë, ku janë përfshirë një makinë tip “Mitsubishi”, një “Audi” dhe një “Volvo’.
Siç shihet edhe në pamje, të tri makinat kanë marrë dëmtime të shuma, ndërsa nuk raportohet për të lënduar.
Aksidenti bëri që në tunel të krijohet trafik për shumë minuta, ndërsa ndërhyrja e policisë ka bërë që situata më vonë të përmirësohet.
Njoftimi i policisë:
Vlorë/Informacion paraprak
Sot, më datë 28.07.2025, rreth orës 15:45, në “Tunelin e Llogarasë”, ka ndodhur një përplasje midis tre automjeteve, vetëm me dëme materiale.
Në aksident janë përfshirë automjetet: tip “Audi”, me drejtues shtetasin A. M., tip “Volvo”, me drejtues shtetasin A. H., dhe tip “Mitsubishi”, me drejtues shtetasin K. M.
Pas përfundimit të veprimeve proceduriale, automjetet e aksidentuara u spostuan dhe qarkullimi në tunelin e Llogarasë vijon normalisht.
