Është nisur me urgjencë drejt Spitalit Rajonal të Beratit, i mbijetuari i aksidentit të tmerrshëm automobilistik në Kanionet e Osumit, për tiu dhënë ndihma e parë e specializuar mjekësore.
*
Alban Faik Asanllari quhet personi që u përfshi në një aksident të rëndë, shkaqet e të cilit janë duke u hetuar nga ekspertët e policisë rrugore. Pas dhënies së alarmit, një grup shpëtimi ka bërë të mundur që ta nxjerrë atë nga makina. Burimet e Alpenews.al thanë se ai ishte koshient në momentin e shpëtimit dhe kishte reaguar pozitivisht.
Pasi e kanë vendosur mbi një barelë, i plagosuri qëndroi disa kohë në zallin e lumit, në pritje të ardhjes së trupave të specializuara për ta nxjerrë prej aty e për ta dërguar me urgjencë për ndihmë të specializuar mjekësore.
*
Bashkia Skrapar kërkoi e para ndihmën urgjente përmes kryebashkiakut Adriatik Mema per te shpetuar personin e mbijetuar nga askidenti automobilistik që ndodhin në vendin e quajtur Ura e Blezenckës, e cila ndodhet 7 kilometra larg nga qyteti i Çorovodës.
Ngjarja ndodhi në një zonë me terren të vështirë, dhe në të u përfshi nje makine me targa te Sarandes.
Kanionet në Lumin Osum, të njohura ndryshe si Kanionet e Skraparit, janë kanionet lumore më të mëdha të Shqipërisë dhe terreni në raste aksidentesh, është shumë i vështirë për realizimin me sukses të operacioneve të kërkim shpëtimit.
AlpeNews.al
