Një aksident ka ndodhur në rrugën lidhëse me galeritë e kromit në Bulqizë, ku janë plagosur 2 persona. Dy të plagosurit janë dërguar me urgjencë drejt kryeqytetit.
Njoftimi i plotë:
Rreth orës 08.30, të mëngjesit është marrë njoftim se në rrugën që të çon në zonën D të galerive të kromit Bulqizë, ka ndodhur një aksident rrugor. Menjëherë kanë shkuar shërbimet e policisë dhe grupi hetimor ku nga verifikimet paraprake kanë konstatuar se shtetasi V.D, duke drejtuar automjetin tip “Toyota”, ka humbur kontrollin dhe ka dalë nga rruga. Për pasojë është dëmtuar drejtuesi i mjetit i cili po transportohet me ambulancë për ndihmë drejt Tiranës, dhe pasagjerët që udhëtonin shtetasit N.Sh, B.Gj, janë transportuar me helikopter për ndihmë më të specializuar drejt Tiranës. Grupi hetimor vijon hetimet për zbardhjen e shkaqeve të aksidentit.
