Shoferët e dehur janë shkaktarët për vrasjen ose plagosjen e mbi 9,000 njerëzve brenda një viti të vetëm në Britaninë e Madhe dhe ky është numri më i madh që nga viti 2012. Vitin e kaluar shifrat shkonin në 8,470 persona. Ekspertët theksuan se këta shoferë kanë aksidentuar 230 vetë këtë vit, shifër e cila një vit më parë shkonte deri në 200 persona.
Ky raport ka ndezur alarmin pasi tregon se pas disa vitesh, numri ka filluar të rritet. Pothuajse 13% e të gjitha vdekjeve të shënuara në aksidentet rrugore në vitin 2016, ishtin për shkak të drejtimit të mjetit nga ana e personave të dehur.
Joshua Harris, drejtor i fushatave për ruajtjen e sigurisë rrugore, bëri thirrje që qeveria të ndërmarrë veprime më të ashpra ndaj shoferëve të dehur, sidomos pas shifrave të publikuara së fundmi.
Sipas raporteve, numri i policëve ka rënë ndjeshëm në vitet e fundit, mes buxheteve të shtrydhura, ndërsa numri i policëve të trafikut ka rënë me 24% që nga viti 2012, gjë e cila ndikon negativisht në uljen e numrit të aksidenteve.
Bazuar në të dhënat, zona jugore dhe perendimore e kishte normën më të lartë, e cilat shkonte në 6.2%, ndërsa Londra kishte normën më të ulët në 2.2%.
Pas daljes së statistikave, një zëdhënëse e Departamentit për Transport tha: “Kjo ngarje është krejtësisht e papranueshme, prandaj duhen dhënë dënime të ashpra dhe zbatimi i tyre për ata që e bëjnë këtë veprim. Britania ka disa nga rrugët më të sigurta në botë dhe ne jemi të vendosur të bëjmë akoma më shumë”.
/Alpenews.al
