Një aksident i rëndë rrugor është regjistruar pasditen e sotme në Kukës, ku një person ka ndërruar jetë.
Mësohet se ngjarja ka ndodhur në fshatin Gryk-Çajë, ku një makinë për arsye ende të panjohura ka dalë nga rruga. Nga aksidenti ka mbetur i vrarë shoferi 65-vjeçar i makinës, i cili ndërroi jetë rrugës për në spital.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Njoftimi i policisë
Kukës / Informacion paraprak
Në fshatin Gryk-Çajë, shtetasi L. Sh., 65 vjeç, banues në fshatin Çajë, dyshohet se ka humbur kontrollin mbi drejtimin e automjetit tip “Fiat”, dhe për pasojë automjeti ka dalë nga rruga
Drejtuesi i automjetit ka ndërruar jetë gjatë transportimit me ambulancë për në spital.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
