Një aksident me vdekje ka ndodhur këtë të Hënë në aksin Thumanë-Krujë. Viktima është një grua rreth të 40-ave, ndërsa janë plagosur rëndë edhe dy persona.
Të tre gjendeshin në një automjet tip “Opel” që është përplasur me një trajler.
“Në orën 11:10, në aksin rrugor Thumanë-Krujë, janë përfshirë në aksident rrugor një mjet tip ‘Trajler’ me një mjet tip ‘Opel’ dhe për pasojë ka ndërruar jetë një shtetase rreth 40 vjeçe (ende e paidentifikuar, pasagjere në mjetin tip ‘Opel’) dhe janë lënduar 2 shtetas, të cilët janë dërguar në spital. Drejtuesi i mjetit tip ‘Trajler’ është shoqëruar në ambjentet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e ngjarjes”, thuhet në njoftimin paraprak të policisë, lidhur me ngjarjen.
Grupi hetimor ndodhet në vendngjarje dhe po punon për zbardhjen e ngjarjes.
