Një makinë ka përplasur për vdekje një punonjëse në Portin e Durrësit.
Në lagjen nr.3, Durrës, në ambientet e portit, F. K., 39 vjeç, duke drejtuar mjetin tip “Man”, trajler, ka aksidentuar punonjësen A. H., 25 vjeçe, e cila për pasojë ka ndërruar jetë.
“Më datë 07.01.2021, në orën 15:30, në lagjen nr.3, Durrës, në ambientet e portit, shtetasi F. K., 39 vjeç, duke drejtuar mjetin tip “Man”, trajler, ka aksidentuar shtetasen A. H., 25 vjeçe, e cila për pasojë ka ndërruar jetë. Drejtuesi i mjetit është shoqëruar në ambjentet e Policisë për veprime të mëtejshme”, thotë policia.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
