Dy fëmijë u vranë dhe 17 të tjerë u plagosën ndërsa një makinë ka hyrë me shpejtësi në një shkollë të Sidneit
Aksidenti ka ndodhur në një shkollë publike të Sidneit ku një makinë nga rruga ka hyrë me shpëjtësi në një klasë duke lënë të vdekur dy djem tetë vjeçarë dhe 17 nga shokët e tyre të klasës janë plagosur.
Makina drejtohej nga një prind i një nxënësi po në të njëjtën shkollë i cila përshkoi muret prej druri të shkollës publike Banksia Road pak kohë pasi kishtë filluar mësimi ditën e sotme.
Shefi i shërbimit të ambulancës Stephanie Radnidge raportoi se mjekët arritën në vendngjarje.
Ai thotë se ishte një skenë e rëndë. “Në skenën e një aksidenti të tmerrshëm, kishte një numër fëmijësh dhe mësuesish të pikëlluar dhe të tronditur. Natyrisht ata po qanin, ishin të shqetësuar, dhe disa po kërkonin për prindërit e tyre. Ishte padyshim një epidemi.” ka thënë ai
Pesë fëmijë u dërguan në spitalin Westmead të Sidneit, duke përfshirë dy djemtë që kishin vdekur. Tre vajza – duke përfshirë një nëntë vjeç dhe dy-tetë vjeçarë – janë në gjendje të rëndë.
Policia tha se fëmijë dhe një mësues u trajtuan në vendngjarje për lëndime të lehta. Përplasja po trajtohet si një aksident. Shoferi 52-vjeçar u mor në pyetje dhe për testimin e alkoolit dhe drogës ndërkoh po punohet për zbardhjen e shkaqeve të aksidentit.
Përgatiti:/AlpeNews.al/