Një aksident ka ndodhur mbrëmjen e djeshme në kryeqytet teksa një drejtues automjeti, i moshës 20 vjeç ka aksidentuar lehtë një shtetase të mitur, të moshës 7 vjeç.
Raportohet në Polici se shtetësja është jashtë rrezikut për jetën, dhe se priten të merren masa ndaj drejtuesit të makinës.
NJOFTIMI I POLICISË
Më datë 17.08.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin J.N., vjeç 20, banues në Tiranë, pasi në rrugën “Kristo Daka”, duke drejtuar mjetin tip “Benz”, ka dëmtuar lehtë me një pjesë të mjetit, shtetasen e mitur Sh.K, vjeçe 7, banuese në Tiranë, e cila pasi ka marrë ndihmën mjekësore në spital është larguar për në banesë. Neni 290 i Kodit Penal.
