Aksident i rëndë u shënua në orët e para të mëngjesit të sotëm, 6 gusht 2023, në Rrugën e Kombit
Një makinë me targa serbi është përplasur me një trafikndarëse dhe ka dalë nga rruga, për pasojë janë plagosur 5 anëtarë të një familjeje, 3 fëmijë dhe çifti i bashkëshortëve.
Të plagosurit janë dërguar në spitalin e Rrëshenit dhe gruaja ndodhet në gjëndje të rëndë, mëson gazetari i Report TV, Benet Beqiri.
Familja po vinte me pushime në Shqipëri.
Aksidenti u shënua pranë fshatit Gziq të Mirditës.
Një grup hetimor do të zbulojë shkaqet e aksidentit, por dyshohet se shkak mund të ketë qenë shpejtësia dhe se drejtuesi i mjetit mund të ketë humbur kontrollin për shkak të lagështirës në rrugë.
