Një aksident i rëndë ka ndodhur në aksin rrugor ‘Pushimi Shoferit – Divjakë’. Si pasojë e këtij aksidenti ka mbetur e plagosur rëndë një 60-vjeçare e cila po kalonte rrugën.
Ka qenë një fuorsitradë tip ‘Nisan’ me targa AA 473 JC që ka përplasur gruan pranë fshatit Mertish. E plagosura është Liri Ndoni e cila është dërguar me urgjencë në spital. Thuhet se e moshuara po tentonte të kalonte rrugën për të mbushur ujë në momentin që e ka përplasur makina.
Në vendin e ngjarjes kanë shkuar forca të shumta policie të cilët po punojnë për zbardhjen e plotë të ngjarjes.
