Një aksident ka ndodhur në aksin rrugor Levan-Tepelenë ku dy automjete janë përplasur me njëra-tjetrën.
Si pasojë e përplasjes janë lënduar dy drejtuesit e mjeteve, të cilët ndodhen në Spitalin Rajonal Fier, në kujdesin e mjekëve.
Fier/Informacion paraprak
Mëngjesin e sotëm, në aksin rrugor Levan-Tepelenë, në Varibob, automjeti me drejtues shtetasin E. L., 43 vjeç, banues në Berat është përplasur me automjetin me drejtues shtetasin J. L., 37 vjeç.Si pasojë e përplasjes, janë dëmtuar të dy drejtuesit e automjeteve dhe ndodhen në Spitalin Rajonal Fier, në kujdesin e mjekëve.Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
