Dita ka nisur keq këtë të shtunë në Tiranë. Një aksident, në të cilin janë përfshirë tre automjete, ka ndodhur mëngjesin e sotëm në afërsi të aeroportit të vetëm në vend.
Një mjet tip Opel me targa AA 706 MA është përplasur kokë më kokë me një mjet tip Volkwagen Golf me targa AA 947 KJ.
Sipas dëshmitarëve okularë, ata thanë se ka mbetur i plagosur me këmbë të thyera drejtuesi i mjetit tip Golf. Policia ka mbërritur në vendngjarje dhe ka nisur hetimet për zbardhjen e këtij aksidenti të rëndë.
Në tre automjetet, gjithsej udhëtonin katër persona, tre të rritur dhe një fëmijë rreth 13- vjeç, të cilët janë lënduar si pasojë e aksidentit.
Policia ka shkuar me njëherë në vendngjarje ndërsa disa minuta më pas edhe autoambulanca. Deri më tani nuk ka një njoftim zyrtar nga Policia e Tiranës në lidhje me këtë aksident.