Dy persona kanë mbetur të plagosur paraditen e sotme si pasojë e një aksidenti rrugor të ndodhur në rrugën nacionale Rinas-Tiranë.
Mësohet se përplasja ka ndodhur në orën 09.30 të paradites së sotme, në vendin e quajtur kryqëzimi Laknasit. Në aksident është përfshirë një mjet tip Mercedes Benz dhe një mjet tip Golf 5. I plagosur ka mbetur drejtuesi i mjetit K.M dhe pasagjeri që udhëtonte me të, shtetasi me iniciale V.ZH, ndërsa drejtuesi i mjetit tjetër me iniciale A.N nuk ka pësuar lëndime.
Grupi hetimor dhe sherbimet e Policisë ndodhen në vendngjarje dhe po punojnë për zbardhjen e rrethanave të saj, ndërsa shkak paraprak dyshohet shpejtësia e lartë e dy mjeteve dhe lagështira në rrugë.