Një përplasje e një makine me një motor, ka përfunduar me vetëgjyqësi, ku në shenjë hakmarrje drejtuesi i një motori i ka shpuar të katër gomat një “Smart”-i me të cilin u përplas.
Ngjarja ka ndodhur në Tiranë, ndërsa policia ka referuar dosjen në Prokurori.
NJOFTIMI I POLICISË
Më datë 25.07.2018, u arrestua në flagrancë shtetasi A.B., dhe u referuan materialet në Prokurorinë pranë Gjykatës së Shkallës së Parë Tiranë, për shtetasin J.M., vjeç 29 e 36, banues në Tiranë, me leje drejtimi, pasi në rrugën “Ram Sadria”, A.B., duke drejtuar mjetin tip “Smart”, është përplasur me motorin tip “Lifan” të drejtuar nga J.M., për pasojë është dëmtuar pasagjeri në motor, S.K., vjeç 38, banues në Tiranë, i cili ndodhet në spital, jashtë rrezikut për jetën. Në vendngjarje drejtuesit janë konfliktuar fizikisht me njëri-tjetrin, A.B., është larguar nga vendi i aksidentit, kurse J.M., i ka çarë katër gomat mjetit tip “Smart”. Nenet 150 e 290 të Kodit Penal, për J.M., dhe Nenet 290, 273, 291 e 89 të Kodit Penal për A.B.
