Një aksident i rëndë ka ndodhur në Sarandë, ku të plagosur kanë mbetur 3 fmëijë të mitur.
Ngjarja ka ndodhur në aksin rrugor Stjar – Bajkaj, ku 3 adoleshentë kanë qenë duke udhëtuar me një makinë tip “Mercedez benz”. Në një moment ata kanë dalë nga rruga dhe kanë përfunduar në një përrua.
Adoleshentët të moshave 13, 14 vjeç janë dërguar me urgjencë në spital, por raportohet se një prej tyre ëhstë në gjendje të rëndë për jetën. I mituri është i intubuar, ndërsa raportohet se ka marrë goditje të fortë në kokë dhe nuk reagon.
Njoftimi i policisë:
Rreth orës 19:25, në afërsi të fshatit Bajkaj, Delvinë, dyshohet se një shtetas i mitur, duke drejtuar një automjet tip “Benz”, ka humbur kontrollin mbi drejtimin e tij dhe automjeti ka dalë nga rruga. Si pasojë e aksidentit janë dëmtuar shtetasi që dyshohet se drejtonte automjetin dhe 2 shtetas të tjerë të mitur që udhëtonin në automjet (të moshave 13-15 vjeç), të cilët janë transportuar në spital dhe ndodhen në kujdesin e mjekëve. Policia ka bllokuar automjetin, i cili dyshohet se është në pronësi të babait të njërit prej shtetasve të mitur. Grupi hetimor po punon për sqarimin e rrethanave të aksidentit
