Një aksident ka ndodhur rreth orës 04:00 të mëngjesit në hyrje të qytetit të Pogradecit, me pasojë vdekjen e një personi.
Sipas informacioneve paraprake mësohet se dy automjete janë përplasur me njëra tjetrën e për pasojë ka gjetur vdekjen nëri prej drejtuesve të mjeteve.
Enea Yzellari është drejtuesi i mjetit tip “Benz”, i përfshirë në një aksident duke shkaktuar vdekjen e shoferit tjetër.
Aksidenti ka ndodhur në një kryqëzim në afërsi të një pike karburanti. Policia në vendngjarje për të zbardhur shkaqet e aksidentit.
“Specialistët e Sektorit për Policinë Rrugore në Drejtorinë Vendore të Policisë Korçë, bënë arrestimin në flagrancë të shtetasit E. Y., 27 vjeç, banues në fshatin Gështenjas, Pogradec.Ky shtetas sot rreth orës 00:40, në aksin rrugor Korçë-Pogradec, në afërsi të fshatit Vërdovë, duke drejtuar mjetin tip “Benz”, është përfshirë në një aksident rrugor me mjetin tip “Ford”, me drejtues shtetasin D. L., 32 vjeç, banues në fshatin Vërdovë, Pogradec, i cili si pasojë e dëmtimeve të marra, ka gjetur vdekjen rrugës për në Spitalin e Pogradecit. Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme hetimore”, thotë policia.
