Orët e para të kësaj të shtune kanë rezultuar fatale për një 24-vjeçar nga Lushnja, i cili ka gjetur vdekjen si pasojë enjë aksidenti automobilistik.
Policia e Lushnjes bën me dije se ngjarja ka ndodhur rreth orës 02:25, në vendin e quajtur “Zhym”, ndërsa V.H, 24 vjeç, banues në fshatin Halilaj, Lushnje duke drejtuar automjetin tip “Fiat punto” ka humbur kontrollin dhe ka dalë jashtë rruge. Për pasojë ka gjetur vdekjen e menjëhershme.
Nga aksidenti është aksidentuar edhe pasagjeri që ndodhej në mjet, shtetasi L.P, 28 vjeç, banues në fshatin Pirrë, Lushnje, i cili ndodhet në Spitalin e Lushnjes nën kujdesin e mjekëve.
Grupi hetimor po punon për zbardhjen e shkakut të kësaj ngjarje.
