Një i ri shqiptar ka mbetur i plagosur rëndë pas një aksidenti të ndodhur në Bergamo.
Një kamion ka përplasur dhe më pas ka marrë para një makinë ‘Lancia’ ku udhëtonte i riu shqiptar.
Ngjarja ka ndodhur në orën 7:30 të mëngjesit të sotëm.
Siç është mësuar deri më tani, kamioni ishte duke shkuar në Bergamo, kur kishte kaluar në korsinë e gabuar dhe më pas është përplasur me makinën e shqiptarit.
Nuk dihen ende shkaqet sepse kamioni kishte lënë korsinë e tij për të kaluar tek ajo e gabuara.
Përplasja ka qenë shumë e rëndë.
Shqiptari është dërguar me ambulancë në spital, ku ndodhet në gjendje të rëndë.
Aksidenti ka shkaktuar edhe një trafik të madh.
