Një aksident i rëndë rrugor ka ndodhur mëngjesin e sotëm rreth orës 07:30 në fshatin Moravë të Beratit, ku dy automjete janë përplasur me njëra-tjetrën.
Për pasojë, 50-vjeçari Eduart Ismaili ka ndërruar jetë në spital, pasi nuk mundi t’u mbijetojë plagëve të marra nga përplasja.
Nga informacionet paraprake, mësohet se drejtuesi i njërit prej automjeteve, shtetasi F. P., 31 vjeç, është shoqëruar në ambientet e Policisë për veprime të mëtejshme procedurale.
Grupi hetimor ndodhet në vendngjarje dhe po vijojnë hetimet për të zbardhur rrethanat e plota të aksidentit.
