Presidenti Meta në faqen e tij në Facebook ka postuar një foto nga vizita e tij në Japoni, ku ndodhet për të marrë pjesë në ceremoninë e kurorëzimit të Madhërisë së Tij, Perandorit të ri të Japonisë, Naruhito.
Përkrahë udhëheqëses së Mianmarit, Meta shkruan në postimin e tij se: Ishte kënaqësi të takoja sot Nobelisten e Paqes të mirënjohur, Aung San Suu Kyi, zonjë e jashtëzakonshme dhe shembull frymëzimi për demokraci në mbarë botën!
Postimi i Metës:
Ishte kënaqësi të takoja sot Nobelisten e Paqes të mirënjohur, Aung San Suu Kyi, zonjë e jashtëzakonshme dhe shembull frymëzimi për demokraci në mbarë botën!
Kush është Aung San Suu Kyi:
Aung San Suu Kyi erdh në pushtet në 2015-ën u duk se ishte shenja e parë e ndryshimit në Mianmar, por dy vite më pas gjithçka u zbeh teksa ajo akuzohet si shkaktare e masakrës dhe përndjekjes së mijëra muslimanëve civilë të pafajshëm Rohinga nga Mianmari drejt Bangladeshit.
Sulmet ushtarake kundër myslimanëve Rohingya në Shtetin Rakhine kanë nisur në gusht të vitit 2017, pas disa sulmeve të militantëve Rohingya. E kjo e “justifikoi” Aung San Suu Kyi që të urdhëronte gjenocidin në zonën e banuar nga myslimanët e Rohinga.
Komentet kanë qenë vërtetë të shumta brenda pak minutave, duke shkaktuar kështu një debat virtual.
Ka pasur nga ata që e kanë quajtur një turp ndërkombëtar, pasi sipas tyre, nobelistja është shkaktare e masakrës dhe përndjekjes së mijëra muslimanëve civilë të pafajshëm Rohinga nga Mianmari drejt Bangladeshit.
Këto komente e kanë detyruar presidentin të pendohet dhe të fshijë foton, nuk dihet nëse do të kërkojë falje pasi shumica e popullsisë janë myslimanë.
/AlpeNews.al