Wanda Nara menaxherja dhe bashkëshortja e Mauro Icardi në një intervistë për Rete 4 është shprehur se sulmuesi argjentinas nuk e tradhtoi Interit për tu transferuar tek Juventusi në merkaton e verës.
Icardi po kalon një formë të mirë tek Psg duke shënuar 13 gola në 16 takime me parizienët. E pyetur rreth një transferimi të mundshëm tek Juventusi, Wanda Nara u përgjigj “jo”.
“E tashmja e Mauros është në PSG. Ai është i lumtur në Paris dhe po shënon disa gola të çmendur. Unë jam e interesuar vetëm për lumturinë e tij dhe tani ai është i tillë. Mauro është në një nga klubet më të rëndësishëm në botë dhe zgjedhja për të shkuar në Paris u bë gjithashtu që të mos e tradhtonte Interin”.