Pas publikimit në disa media të lajmit ku tregohej se si Lulzim Basha la protestën në zonën e Unazës së Maadhe dhe u nis me shpejtësi drejt aeroportit të Rinasit për të udhëtuar drejt Hollandës ku ka dhe familjen, ky i fundit ka ndryshuar destinacion.
Mësohet se Basha e ka anuluar udhëtimin për Amsterdam dhe do të kthehet nesër sërish në Tiranë.
Për të justifikuar fotot të cilat qarkulluan në media dhe në rrjetet sociale, ka menduar deputeti i PD, Agron Shehaj, i cili organizoi me nxitim një aktivitet me rastin e 28 nëntorit në Milano.
Por ajo që binte në sy ishte se i gjithë aktiviteti ishte i mbushur me punonjësit e deputetit demokrat, i cili zotëron një sërë kompanish me një numër tepër të konsiderueshëm punonjësish në Milano.
Për ta bërë edhe më të besueshme, i gjithë aktiviteti u transmetua në Facebook-un e Bashës, por që binte në sy mungesa e organizimit për shkak të kohës tepër të shkurtër.
Deputeti i Vlorës Agron Shehaj, që pas suksesit me biznesin e “call center”-ave, vendosi t’i futet politikës me zgjedhjet e vitit 2017, ka një pasuri prej 23 milionë eurove dhe disa ndërmarrje në Itali të cilat kanë të punësuar me mijëra punonjës.