Këto pamje janë xhiruar vetëm pak sekonda pas një shpërthimi kamikaz në mëngjes Kabul.
Shpërthimi ndodhi pranë përfaqësisë së NATO-s, shënjestër e një sulmi kamikaz të militantëve të Shtetit Islamik.
Kamikazi shpërtheu mes një grupi reporterësh të mbledhur në zonë, për të xhiruar vendin ku disa minuta më herët një tjetër kamikaz kishte kryer një shpërthim me motoçikletë.
25 viktima dhe 45 të plagosur është bilanci i dy shpërthimeve të Kabulit, ku mes të vrarëve është edhe një foto-reporter lokal i AFP-së. Paralelisht, xhihadistët kryen edhe një tjetër sulm në Kandahar, në jug të Afganistanit. Shpërthimi i mori jetën 11 fëmijëve, pavarësisht se objektiv ishte një autokolonë me punonjës të huaj.
Aktiviteti i Shtetit Islamik është rritur ndjeshëm muajt e fundit në Afganistan, pas zmbrapsjes së tyre nga Siria.
Tv Klan
