Aeroporti i Kukësit që është edhe një nga premtimet e qeverisë, do të fillojë të ndërtohet pranverën e vitit të ardhshëm, pasi procesi për ndërtimin e tij është në një stad të avancuar. Përballë gazetarëve në daljen e fundit për vitin 2018, Kryeministri Rama ju përgjigj pyetjes për aeroportin e Kukësit, për të cilin theksoi se ndërtimi i tij do të fillojë shumë shpejt dhe se ky aeroport do të ketë kompani që do të operojnë me çmime të ulëta biletash (low cost)
“Aeroportin e Kukësit e kemi premtuar dhe do të fillojmë ta ndërtojmë në pranverën e vitit të ardhshëm, sepse procesi është goxha i avancuar. Për vitin e ardhshëm për Vitin e Ri nga Londra do të vish në Kukës dhe Kukësi do të jetë një aeroport me fluturime kryesisht lou kost”, – theksoi Rama.
Aeroporti i Kukësit do të jetë një arterie e rëndësishme ekonomike për vendin tonë, pasi do të krijohen mjaft lehtësira në qarkullimin e shtetasve shqiptarë dhe të huaj, ku këta të fundit e cilësojnë Shqipërinë si një vend me potencial të lartë turistik.
