Më 23 korrik Prokuroria për Krimet e Rënda ka sekuestruar disa prona të ish-kryeprokurorit të Përgjithshëm, Adriatik Llalla.
Krimet e Rënda njoftuan se pasuria e sekuestruar e Llallës kap vlerën e rreh 1 miliardë lekëve. Mbi pronat e Llallës është vënë masa e sigurimit “sekuestro preventive”.
Ish kryeprokurorit i janë sekuestruar 1 miliardë lekë pasuri, që dyshohet se kanë ardhur nga aktivitete kriminale, si dhe pronat.
Mes objekteve të sekuestruara është një apartament në Durrës, dhe mijëra metra katrorë tokë në Tiranë.
Kronika: Vetëm pak kilometra larg Tiranës, në zonën ku po shtrihen investime të mëdha turistike dhe ku çmimet e tokave rriten çdo muaj, ish-kryeprokurori ka blerë mbi dy hektar me çmim qesharak, vetëm 90 lekë për metër katror. Të paktën këto janë deklarimet që ai ka bërë vetë.
