Përgjatë natës së të shtunës, 17 mars 2018 dhe gjatë orëve të para të së dielës është përmbyllur mega-operacioni i koduar “One If – By Land”, në kuadër të goditjes së kontrabandimit të personave me qëllim emigrimin drejt SHBA-ve, Kanadasë dhe Mbretërisë së Bashkuar, kundrejt shumave të caktuara të parave.
I gjithë hetimi i zhvilluar me metoda speciale nga Policia e Shtetit, nën drejtimin e Prokurorisë së Krimeve të Rënda, ka zgjatur disa muaj dhe u finalizua ditën e shtunë, por ditën e sotme mësohet që mega-operacioni u dekonspirua.
Shërbimi i Kontrollit të brendshëm monitoroi operacionin për mosdaljen e sekretit zbuloi “SPIUNIN” në rradhët e Policisë dhe ka njoftuar strukturat e larta të cilat kanë ndryshuar taktikën.
Operacioni i madh i Policisë së Shtetit për kapjen e grupit që falsifikonte pasaporta dhe dokumenta të tjera është dekonspiruar nga një PUNONJES I POLICISE.
Ai quhet ADRIATIK BAKIASI.
AlpeNews.al mëson se Adriatik Bakiasi ka ushtruar detyrën POLIC I OBJEKTEVE tek ambasadat dhe ne komisariatin NR.3 roli bazë.
Adriatik Bakiasi nuk ka qenë vetë pjesë e “GRUPIT” por dyshohet se ka marrë dijeni rreth operacionit dhe ka tentuar të informojë një nga personat e përfshirë, që u arrestua gjatë operacionit të finalizuar të shtunën në mbrëmje.
Gjithashtu mendohet se Bakiasi me origjinë nga Skrapari ka patur njohje me një nga pjestarët e grupeve, po nga skrapari tashmë i arrestuar.
Ndërkohë pas hekurave ndodhen 39 persona, pjestarë të 7 grupeve të ndryshme, mes tyre edhe 4 punonjës së Policisë së Shtetit.
AlpeNews.al
