Ekipi ligjor që përfaqëson adoleshenten sudaneze Noura Hussein, e cila vrau bashkëshortin e saj 35-vjeçar që e përdhunoi, dërgoi një ankesë të enjten në Gjykatën Supreme të Sudanit për të hedhur poshtë dënimin e saj.
Hussein ishte dënuar me vdekje për vrasjen e Abdulrahman Mohamed Hammad, por vetëm dy javë më parë, gjykatë e apelit në Sudan zvogëloni dënimin e saj në 5 vite burg, pas një proteste ndërkombëtare lidhur me rastin e saj.
Gjykata urdhëroi familjen e saj të paguante rreth 18,600 dollarë si “para gjaku” për familjen e të vrarit.
Avokatët e saj kanë apeluar edhe për pagesën.
Historia e Huseinit ka vënë në qendër të vëmendjes martesën e detyruar dhe përdhunimin martesor në Sudan, ku mosha ligjore për tu martuar është 10 vjeç dhe përdhunimi martesor nuk është një krim.
Dhe dënimi i saj me varje shkaktoi zemërim global duke tërhequr vëmendjen e grupeve të të drejtave të njeriut dhe njerëzve me famë botërore si modelja Naomi Campbell, aktorja Emma Watson dhe këngëtarja Jidenna.
“Ne po kërkojmë drejtësi,” tha për CNN, Nahid Jabralla drejtor i grupit të të drejtave të njeriut SEEMA, i cili po mbështet Huseinin. “Ankesa do të kërkojë që ajo të pastrohet plotësisht nga akuzat”.
Familja e Hammad mohon akuzat e Husseinit dhe vazhdon të kundërshtojë çështjen e saj. Familja e tij pritet të paraqesë apelin e vet duke bërë thirrje për rivendosjen e dënimit me vdekje.
Prindërit e detyruan Husseinit të martohej me Hammadin kur ishte vetëm 15 vjeç, por e lejuan që të përfundonte shkollën.
Tre vjet më vonë, pas një dasme zyrtare publike, Hussein pohon se Hammad e përdhunoi atë ndërsa familja e tij e mbante.
Një ditë më vonë, Husseini rrëfeu se ai u përpoq ta përdhunonte përsëri dhe ajo e goditi atë për vdekje.
Kur shkoi te prindërit e saj për mbështetje, ata e dërguan në polici.
Familja e Husseinit është kërcënuar vazhdimisht që kur ajo vrau bashkëshortin e saj në vitin 2017.
Menjëherë pas incidentit, shtëpia e prindërve të saj u dogj. Dhe kohët e fundit, në një intervistë në një gazetë sudaneze, babai i Hammadit kërcënoi për hakmarrje të mëtejshme nëse Husseini falet nga gjykata, duke thënë se do të kërkonte jetën e një prej të afërmve të saj.
