Mbi 300 mijë qytetarë shqiptarë kanë frekuentuar 12 zyrat ADISA në të gjithë vendin, për përfitimin e shërbimeve të integruara publike, vetëm në periudhën Janar – Shtator të vitit 2019.
Shifrën e lartë të qytetarëve që kanë marrë shërbime me cilësi dhe shpejtësi në sportelet e Agjencisë së Ofrimit të Shërbimeve të Integruara, Drejtori i kësaj Agjencie, Lorin Ymeri, e konsideron tregues të efiçencës së këtyre zyrave, ku shërbimet elektronike garantojnë transparencën e tyre.
“Nga të dhënat që nxjerrim çdo javë, nga Janari 2019 deri në 30 shtator të po këtij viti, mbi 300 mijë qytetarë kanë frkeuentuar zyrat ADISA. Një numër relativisht i lartë krahasuar me një vit më parë. Ne synojmë që të krijojmë akses dhe të ofrojmë shërbime publike me cilësi dhe transparencë për qytetarët dhe synojmë shtimin e shërbimeve në zyrat tona. Ne kemi shtuar paralelisht shërbimet e ALUIZNIT, ato të shërbimit kombëtar të punësimit. Gjithashtu kemi bashkëpunuar me drejtorinë e shërbimeve të transportit rrugor, duke ofruar në sportele shërbimet e kësaj drejtorie, në bashkitë ku ato nuk kanë zyra si Librazhdi apo Kavaja”, tha Ymeri.
Nga Zall-Herri, në një një intervistë për ERTV, Drejtori i ADISA-s prezantoi nismën e fundit të qeverisë, një zyrë lëvizëse ADISA, që do udhëtojë në të gjithë vendin për t’ju mundësuar qytarëve që banojnë larg zyrave të shtetit për të marrë shërbime publike njësoj si në një sportel të zyrave ADISA.
