Një person i shpallur në kërkim për marrëdhënie seksuale me një grua me aftësi të kufizuara, ka përfunduar në prangat e policisë.
Shërbimet e Policisë Kufitare Tre Urat, mesditën e djeshme, e martë, në afërsi të pikës së kalimit kufitar bënë të mundur kapjen e B. K., 54 vjeç, banues në Tepelenë.
I dyshuari ishte shpallur në kërkim pasi Gjykata e Gjirokastrës ka dërguar urdhrin për ndalimin si i dyshuar, për veprën penale “Marrëdhënie seksuale ose homoseksuale me persona të pazotë për t’u mbrojtur”.
54-vjeçari akuzohet se një vit më parë dyshohet se ka kryer marrëdhënie seksuale me një shtetase me aftësi të kufizuara.
Ndaj të ndaluarit materialet iu referuan Prokurorisë së Gjirokastrës për veprime të mëtejshme.
